Бастарыңа бақ қонсын,
Алдарыңа ас толсын.
Сезімдерің солмайтын,
Қартаймайтын жас болсын!
Бір жерден шығып ойларың,
Үйлену тойын тойладың.
Бақыттың бағы ашылсын,
Үзілмей мәңгі тойларың.
Қайғыларың жоқ болсын,
Қарындарың тоқ болсын!
Үлгілі Ата-Ана боп,
Ұл-қыздарың көп болсын!
Осы үй бақытты дейтіндей,
Бақ пенен байлыққа толыңдар!
Сезімнің сөнбейтін кейпіндей,
Махаббат символы болыңдар!
Ата—Ананың қуанышы, шаттығы,
Жастық шақтың куәсі дәл, пәктігі.
Екі жасқа бақытты өмір тілейік,
Аяласын мәңгі өмір ақ гүлі.
Ағайын тойға келіңдер,
Баталы тілек беріңдер.
Тойдың басы екі жас
100 жасты жасап көріңдер.
Қыстай қатты мықты болсын денсаулық,
Көктемдей боп көңіл тұрсын гүл жауып.
Жаздай ыстық сезімдерің өшпесін.
Күздей жомарт несібеңе 1000 саулық.
Секундтарың сыйласын тек бақыт-нұр,
Сағат сырғыр сезім сырдан татып сыр.
Апталарың ала келсін ақ арман,
Жылдарыңда жасырынып ақық тұр.
Шыршадай сарғаймаңдар жасыл жанып,
Бұлбұлдай махаббаттың әнін салып.
АЛЛАНЫҢ нұры түскен жан болыңдар,
Өмірдің бақытының бәрін алып.
Лайланбасын өмірлерің тұнық көлдей,
Жұлдыздарың жарқырасын күйіп сөнбей.
Тіккен отау болашақ Орда болсын,
Мәртебе көтерілсін биікке өрлей.
Ал, бастадым, ақ қайны, өзiңе аппақ тiлектi,
Мiне, нағыз ер дердей бiлiмдi, әрi бiлектi.
Орнында бар оңалар,әке жолын жалғадың,
Аққудай боп иiлген жартысын тауып жүректiң.
әкемiз көрмес қызықты көрсеткiн ендi Анаға,
Анадан артық жұмақты таба алмассың балаға.
әкеден алған тағылым, анадан алған тәлiммен,
Жарыңа адал, сыйлы бол, ағайынға пана да.
Сыйлы келiн-күйеу боп бақытың алдан ашылсын,
өмiрдiң барлық сыйлығы ақ сандықтан шашылсын.
қазаны қайнар қонақтан жайлы боп туыс-туғанға,
Абырой берiп Жаратқан жұлдызыңды асырсын.
«Адам болар жiгiттiң,
Жары өзiне лайық,
Керуен бастар жiгiттiң,
Нары өзiне лайық.»
Осы отырған, Оралым,
Шапалақты ұрайық.
Аймекен мен Ардаққа,
құрметпенен тұрайық.
Есте қалсын мәңгiлiк,
Ақ тiлектер құрайық.
Бал-бұл жанған жүздерге,
Тамсана көңiл бұрайық.
Мәңгiлiк болсын шаттығы
Бiр АЛЛАДАН сұрайық.
Еш сүрiнбей өмiрде
Тойларда ғана құлайық!